من شاب بدأ رحلته على الإنترنت من الصفر، بلا دعم، وبكثير من الإحباطات، إلى مؤسس شركة "ديجيتال لاند" المتخصصة في البرمجة والإعلانات – أحمد محمد عبدالرحيم هو واحد من شباب مصر اللي اختاروا يخلقوا لنفسهم فرصة… مش يستنوها.
قبل 4 سنين، أحمد كان مجرد مبتدئ بيحاول يفهم عالم البرمجة. بدأ يتعلم الأساسيات، وفضل يحاول رغم إنه مكانش متمكن، ومع الوقت بقى يتقن برمجة المواقع وتعلم لغات كتير لحد ما أصبح مصمم ويب محترف.
لكن طموحه مكنش له حدود.
ما وقفش عند تصميم المواقع، وبدأ يغوص أكتر في عالم البرمجة لحد ما أتقن تطوير تطبيقات الهواتف، وبدأ يشتغل على مشاريع حقيقية، ويشوف حلمه بيقرب بخطوات ثابتة.
ورغم كل ده، كانت الرحلة صعبة.
"مكنش فيه أي دعم، كنت لوحدي حرفيًا. الكل كان بيراهن على فشلي، لكن أنا قررت أراهن على نفسي. وقعت كتير، بس كنت دايمًا أقوم، وكل مرة أقوى من اللي قبلها."
النهارده، أحمد بقى مؤسس شركة "ديجيتال لاند"، واللي بتقدم خدمات برمجة مواقع وتطبيقات، بالإضافة لحلول إعلانية متكاملة. مش بس كده، ده كمان قدر يكون فريق يشتغل معاه، ويحوّل حلم صغير لمشروع حقيقي ناجح بيكبر يوم بعد يوم.
قصة أحمد مش بس قصة نجاح، دي رسالة لأي حد لسه في أول الطريق:
"ما تستناش حد يصدق فيك… صدّق في نفسك، واشتغل، وخلّي تعبك يرد على الكل."